EKIPI GARUES I DEFENDER

Castrol nxitet nga pasioni për performancën dhe nga filozofia e të punuarit në partneritet, çka bën të mundur zhvillimin e produkteve që kontribuojnë në arritjet teknologjike në tokë, në ajër, në det dhe në hapësirë. Partneriteti me Ekipin garues të Defender do të vendosë në provë gamën e lubrifikantëve në mjedise ekstreme në të gjithë Kampionatin Botëror të Garave me Makina, duke shpalosur performancën dhe funksionimin e teknologjisë së tyre.

Me seli në Austin, Teksas, YETI është një projektues, shitës dhe shpërndarës global i produkteve novatore për aktivitete në natyrë. Nga termuset dhe enët për pije e deri te çantat e shpinës dhe të tjera, produktet YETI janë krijuar për të përmbushur nevojat për aventura të ndryshme në natyrë, qofshin ato në zona të largëta të pashkelura, në plazh apo kudo ku klientët ndodhen.

Duke ofruar vazhdimisht produkte me performancë të lartë dhe të shkëlqyer, YETI ka arritur të ketë një klientelë besnike në mbarë botën, që përfshin si personat e pasionuar pas natyrës, po ashtu edhe personat që dëshirojnë produkte me cilësi dhe dizajn të përsosur. YETI ka ndërmarrë një angazhim të palëkundur ndaj komuniteteve të aktiviteteve në natyrë dhe rekreative, dhe punon fort për të krijuar produkte superiore, në mënyrë që klientët të shijojnë të sigurt natyrën dhe më gjerë.

Për më shumë se 70 vjet, BILSTEIN ka punuar me prodhuesit kryesues të automjeteve për të zhvilluar amortizues goditjesh për të ofruar një përvojë drejtimi të përsosur. Produkte novatore, ekskluzive, të besuara dhe të përshtatura posaçërisht me karakteristikat individuale të performancës së secilit model automjeti. Çdo produkt BILSTEIN është projektuar për pajisjet origjinale dhe për shitje pjesësh si palë e tretë, duke siguruar performancë dhe durueshmëri maksimale. Bashkëpunimi i ngushtë me prodhuesit më të mirë dhe rrjetet globale e ka pozicionuar BILSTEIN si një partner kryesor për teknologjinë.

Historiku i Bell & Ross e ka pikënisjen në vitin 1994, me nxitjen e dy miqve, Carlos-A. Rosillo dhe Bruno Belamich, të dy të pasionuar pas prodhimit të orëve dhe fluturimit. Falë trashëgimisë franko-zvicerane, Bell & Ross u bënë të njohur me shpejtësi në fushën e orëve profesionale për fluturim. Në vitin 2005, kompania revolucionarizoi kodet e dizajneve të orëve me krijimin e BR-01, frymëzuar nga instrumentet aeronautike. Kështu, u krijua modeli i shquar i "rrethit brenda një katrori", që u shndërrua në modelin karakteristik.

Më pas, Bell & Ross krijuan dizajnin e veçantë në qendër të çdo koleksioni: koleksionin profesional BR-03, koleksionin urban BR 05 dhe linjën avangarde të prodhimit BR-X5. Duke ndërthurur inovacionin dhe përsosmërinë e krijimit të orëve, Bell & Ross mishëron moton “Nga kabina te kyçi i dorës”, duke iu përshtatur si profesionistëve ekstremë, po ashtu edhe individëve në kërkim të orëve funksionale dhe të veçanta. Kompania e krijimit të orëve është e pranishme në mbi 80 vende nëpërmjet një rrjeti ndërkombëtar të zgjedhur me kujdes prej 600 shitësish të autorizuar dhe 25 butikësh ekskluzivë.

Frymëzuar nga jeta dhe udhëheqja e titanit polar Sër Ernest Shackleton dhe përkrahur nga pasardhësit e tij, Shackleton është një kompani britanike eksplorimi dhe furnizimi, që ekziston për t’i frymëzuar, lehtësuar dhe pajisur aventurierët me gjithçka të nevojshme për të jetuar guximshëm.

Themeluar në vitin 2017 nga bashkëthemeluesit Martin Brooks dhe Ian Holdcroft, Shackleton projekton veshje teknike me performancë të lartë për aventurierët në mjedise ekstreme dhe ofron përvoja udhëtimi eksplorues në mbarë botën, që nga Himalajet e deri te shkretëtirat e Omanit dhe kushtet ekstreme të Antarktikës.

Alpinestars është një prodhues kryesor i produkteve profesionale të garimit, pra i veshjeve me performancë të lartë dhe këpucëve teknike. Që prej krijimit në vitin 1963, suksesi i Alpinestars është nxitur nga inovacioni, kërkimi, zhvillimi dhe përsosmëria teknike e vazhdueshme e prodhimit të produkteve.

Alpinestars ka një staf prej 500 punonjësish në mbarë botën; me seli në Italinë e Veriut, Los Anxheles, Tokio dhe Singapor.

Përfshirja e kompanisë në garat F1, WRC, Formula E, Motocross, Dakar dhe MotoGP ka sjellë krijimin e pajisjeve teknike më të avancuara për ekipet dhe atletët kryesorë të garimit në botë.