Është e thjeshtë: vendosni vendndodhjen e dëshiruar të tërheqjes së mjetit dhe datën për të parë automjetet e disponueshme. Më pas, gjithçka që duhet të bëni është të zgjidhni automjetin e dëshiruar dhe të konfirmoni rezervimin.

Po, ju do të jeni në gjendje të drejtoni një automjet të të njëjtit model dhe me të njëjtat veçori si ato të zgjedhura: transmisioni, lloji i karburantit, fuqia, numri i sedileve, sigurimi, politika për karburantin dhe etiketa mjedisore.

Ju mund ta tërhiqni dhe ktheni automjetin e marrë me qira brenda orarit të punës së shitësit të autorizuar të QIRASË të Jaguar dhe Land Rover, që keni zgjedhur.

Pasi të keni ndjekur të gjithë hapat e procesit të rezervimit në internet, shitësi i autorizuar do t’ju kontaktojë për t’ju kërkuar të dhënat e kartës së kreditit për kryerjen e pagesës dhe finalizimin e rezervimit tuaj.

Kur të tërhiqni automjetin, duhet të paraqitni dokumentet vijuese: një leje drejtimi të vlefshme për vendin tuaj dhe kategorinë përkatëse të automjetit, një kartë identiteti ose pasaportë të vlefshme, një kartë krediti të vlefshme. Nëse nuk keni mundësi të paraqitni të gjitha dokumentet e mësipërme, apo nëse ato janë të pavlefshme në momentin e tërheqjes së automjetit, rezervimi do të anulohet dhe shitësi i autorizuar do t’ju tarifojë për anulimin (sipas tarifës për qiranë ditore) në kartën e paraqitur, pas konfirmimit të rezervimit.

Po, por kjo do të varet nga vendi që ka lëshuar lejen e drejtimit. Lejet e drejtimit nga vendet e Bashkimit Evropian janë të vlefshme në Gjermani. Lejet e drejtimit nga vendet jashtë BE-së do të pranohen për sa kohë që janë të shoqëruara me një vizë të vlefshme në momentin e qiramarrjes (me përjashtim të Zvicrës). Shtetasit jashtë BE-së, por që jetojnë në Bashkimin Evropian për më shumë sesa 6 muaj, duhet të paraqesin një leje drejtimi të BE-së.

Po, mund ta anuloni të paktën 24 orë përpara fillimit të periudhës së qiramarrjes. Nëse nuk e anuloni brenda këtij afati, për periudhat e qiramarrjes prej 28 ditësh ose më pak, në kartën që i keni paraqitur shitësit të autorizuar pas konfirmimit të rezervimit do t’ju ngarkohet tarifa ditore standarde sipas tarifës së vlefshme në momentin e anulimit. Për periudhat e qiramarrjes prej 29 ditësh ose më shumë, shitësi i autorizuar mund t’ju ngarkojë edhe një tarifë anulimi të barasvlershme me qiranë e një muaji. Rezervimi mund të anulohet në seksionin ‘My reservations’ (Rezervimet e mia) në llogarinë tuaj të përdoruesit, ose duke telefonuar shitësin e autorizuar të QIRASË të Jaguar dhe Land Rover. Nëse nuk e tërhiqni automjetin brenda 60 minutave nga orari i dakorduar, rezervimi do të anulohet dhe shitësi i autorizuar do t’ju tarifojë vlerën bazë në kartën që i keni paraqitur pas konfirmimit të rezervimit.

Ju mund ta ndryshoni rezervimin tuaj nëpërmjet shitësit të autorizuar të QIRASË të Jaguar dhe Land Rover. Të dhënat e kontaktit të shitësit të autorizuar mund t’i gjeni në llogarinë tuaj të përdoruesit tek informacioni i rezervimit ose në email-in e konfirmimit të rezervimit.

Periudha maksimale e qirasë është gjashtë (6) muaj.

Po, mundeni, për sa kohë që shitësi i autorizuar e pranon përfshirjen në momentin e tërheqjes së automjetit. Në rast se automjeti drejtohet nga një person tjetër i paautorizuar nga shitësi i autorizuar, atëherë do t’ju ngarkohet një tarifë shtesë.

Po, por ju lutemi të kontaktoni shitësin e autorizuar të QIRASË të Jaguar dhe Land Rover me të cilin keni rezervuar automjetin sa më parë të mundeni.

Zbatohet mosha e mëposhtme minimale e drejtimit sipas markës dhe modelit: Land Rover 21 vjeç: Discovery Sport, Range Rover Evoque 23 vjeç: Defender 25 vjeç: Range Rover Sport, Range Rover, Discovery, Range Rover Velar Posedimi i një lejeje drejtimi të vlefshme për të paktën: 3 vjet: Discovery Sport, Range Rover Evoque 5 vjet: Range Rover Sport, Range Rover, Discovery, Range Rover Velar, Defender Jaguar 21 vjeç: XE, XF, E-PACE 23 vjeç: F-PACE 25 vjeç: F-TYPE, I-PACE Posedimi i një lejeje drejtimi të vlefshme për të paktën: 3 vjet: XE, XF, E-PACE 5 vjet: F-PACE, F-TYPE, I-PACE

Po, në Andorrë, Austri, Belgjikë, Danimarkë, Finlandë, Francë, Gjermani, Gjibraltar, Itali, Lihtenshtajn, Luksemburg, Monako, Vendet e Ulëta, Norvegji, Portugali, San Marino, Spanjë (pjesa kontinentale), Suedi, Zvicër, Qytetin e Vatikanit dhe Mbretërinë e Bashkuar. Megjithatë, ju lutemi të mbani parasysh se transporti i automjetit me traget nuk është i mundur.

Jo, konsumi i duhanit brenda në automjetet tona është i ndaluar.

Jo, kafshët nuk lejohen brenda në automjetet tona.

Nëse makina ka ndonjë dëmtim apo mangësi, duhet të njoftoni menjëherë shitësin e autorizuar dhe të fotografoni dëmtimet e mundshme.

Jo, lejohet vetëm përdorimi në rrugë të shtruar.

Në rast avarie apo aksidenti gjatë periudhës së qirasë, duhet të kontaktoni Mbështetjen e Jaguar Land Rover. Mund ta kontaktoni nëpërmjet butonit të Asistencës së optimizuar, butonit të Thirrjes SOS të emergjencës në automjet ose në numrin e telefonit 900 314 195. Qiraja përfshin asistencë rrugore 24 orë dhe një automjet zëvendësues pa kosto shtesë.

Po, përveçse kur dakordohet ndryshe me shitësin e autorizuar. Nëse niveli i karburantit në momentin e kthimit nuk përputhet me dakordimin me shitësin e autorizuar, do t’ju kërkohet të paguani për karburant shtesë sipas listës së çmimeve të disponueshme te shitësi i autorizuar.

Po, për sa kohë që keni rënë dakord me shitësin e autorizuar dhe brenda orarit të punës. Ju mund ta gjeni orarin e punës së shitësit të autorizuar në llogarinë tuaj të klientit dhe në email-in e konfirmimit të rezervimit.

Ne do t’ju kontaktojmë me email për t’ju bërë me dije për gjobën, duke qenë se ju si drejtues mjeti jeni përgjegjës për shkeljet e rregullave të qarkullimit, dhe do ta tarifojmë shumën në kartën e përcaktuar në kontratën e qirasë.

Duhet të informoni autoritetin kompetent dhe shitësin tuaj të autorizuar.

Shuma e depozitës shërben për të mbuluar detyrimet shtesë që shitësi i autorizuar mund të tarifojë për gjobat e qarkullimit apo dëmtimet e shkaktuara gjatë qiramarrjes, ndër të tjera.

Çmimi i qirasë dhe depozita (e quajtur edhe si shumë shtesë dhe e përcaktuar nga shitësi i autorizuar) do të bllokohen pas konfirmimit të rezervimit dhe pasi shitësi i autorizuar t’ju ketë kontaktuar për të dhënat e kartës suaj. Çmimi i qirasë do të tarifohet në kartën tuaj në fillim të periudhës së qiramarrjes. Nga momenti i kthimit të automjetit, shitësi i autorizuar ka 24 orë kohë për të kthyer depozitën. Për qiramarrjen për 28 ditë ose më shumë, tarifa e qirasë do të ngarkohet në fillim të çdo muaji (nga dita e parë e tërheqjes së dakorduar të automjetit).

Po, por vetëm në rastet e mëposhtme: Nëse anuloni një rezervim me më pak se 24 orë njoftim, nëse tejkaloni kilometrat e përcaktuar, nëse e dorëzoni automjetin pas kohës së dakorduar, nëse e ktheni automjetin me më pak karburant në serbator sesa në momentin e tërheqjes, nëse merrni me qira aksesorë shtesë.

Tarifat përcaktohen veçmas nga çdo shitës i autorizuar. Për të parë nëse mund të përfitoni një çmim të veçantë si kompani, ju lutemi të kontaktoni shitësin tuaj të autorizuar.

Çmimi i qirasë përfshin sigurimin për përgjegjësinë civile të automjetit. Me pagesën e një tarife shtesë, ju mund të zvogëloni përgjegjësinë tuaj për dëmtimin apo humbjen e automjetit deri në një shumë depozite të caktuar për çdo kërkesë të paraqitur.

Po, si drejtues mjeti, ju jeni përgjegjës për pagesën e kostove të lidhura me përdorimin e rrugëve të caktuara, si tarifat.