Abonimi për automjetin SUBSCRIBE (ABONOHU) është një alternativë fleksibël ndaj blerjes ose qiramarrjes afatgjatë të një automjeti. Fleksibilitet maksimal pa angazhim afatgjatë: Çmimi mujor fiks përfshin të gjitha shërbimet e zgjedhura, me përjashtim të kostove të karburantit dhe karikimit.

Ju keni fleksibilitetin të zgjidhni një afat minimal 30-ditor ose një afat minimal 6 ose 9-mujor. Pas përfundimit të afatit minimal përkatës, abonimi do të rinovohet automatikisht për 30 ditë të tjera çdo muaj, përveçse kur e anuloni në mënyrë joformale duke e kthyer mbrapsht automjetin.

Me ne, ju keni mundësinë e përdorimit fleksibël të automjetit, duke e ndërruar atë pas 12 muajsh maksimumi, për të garantuar sigurinë tuaj dhe gjendjen optimale të automjetit. Ndërrimi i automjetit mund të jetë i nevojshëm edhe kur arrihet një kilometrazh i caktuar. Ne do t’ju njoftojmë paraprakisht dhe do të koordinojmë ndërrimin me modelin specifik të zgjedhur. Ndërrimi kryhet pa pagesë, për sa kohë që ju i përmbaheni datës së dakorduar. Ju lutemi, vini re se SIXT mund ta zgjidhë kontratën tuaj vetëm pasi të kenë kaluar të paktën tre muaj.

Ndaj kërkesës për moshën minimale dhe lejen e drejtimit zbatohen rregullore të posaçme, të bazuara te kategoria përkatëse e automjetit, të cilat do të shfaqen gjatë procesit të rezervimit në internet. Range Rover Evoque mund të merret në përdorim me abonim duke filluar nga mosha 21 vjeç. Për modelet Range Rover Velar, Range Rover Sport, Range Rover, Defender 90, dhe Defender 110 kërkohet një moshë minimale prej 25 vitesh dhe një leje drejtimi të paktën 3-vjeçare.

Fillimisht duhet të zgjidhni ndërmjet markës Range Rover ose Defender dhe më pas të zgjidhni modelin e parapëlqyer. Automjetet e disponueshme aktualisht mund t’i gjeni në faqen tonë të internetit në çdo kohë.

Të gjitha automjetet tona janë të pajisura për kushte dimërore, duke përfshirë edhe gomat e dimrit. Kostot për gomat, rotacionin dhe ruajtjen përfshihen në pagesën mujore.

Automjetet tona janë gjithnjë në përputhje me standardet më të larta. Prandaj, ju do ta përfitoni gjithmonë modelin e zgjedhur me një nivel të lartë pajisjesh.

Të gjitha automjetet tona vijnë me mbrojtje nga përgjegjësia ndaj palëve të treta, mbrojtje të plotë gjithëpërfshirëse dhe mbrojtje nga vjedhja me një vlerë maksimale të zbritshme prej 2.500 eurosh. Ju mund ta shihni shumën individuale të zbritshme në llogarinë tuaj të përdoruesit. Ju keni mundësinë ta zgjeroni këtë mbrojtje gjatë konfigurimit. Për shembull, mund të përfshini edhe mbulim për gomat, xhamin e përparmë apo në rast aksidentesh. Shërbimi ynë 24 orë i mobilitetit mund t’ju mbrojë nga kostot e mëtejshme në rastin e një avarie. Megjithatë, ndryshimet në paketën e mbrojtjes nuk mund të kryhen më pas tërheqjes së automjetit. Një nga punonjësit e pikës së shërbimit do t’ju asistojë menjëherë.

Mbrojtja e plotë gjithëpërfshirëse dhe mbrojtja nga vjedhja të ofruara nga SIXT përputhen me termat dhe kushtet e sigurimit gjithëpërfshirës për mjetet motorike (AKB). Të dhënat për përkufizimet dhe përjashtimet konkrete mund t’i gjeni në Termat dhe kushtet tona të përgjithshme (GTC).

Mbrojtja për gomat dhe xhamin e përparmë mbulon plotësisht dëmtimet ndaj gomave, xhamit të përparmë, xhamave anësorë dhe dritares së pasme. Pa këtë mbrojtje, ju jeni përgjegjës për dëmtimin e këtyre pjesëve dhe do të mbuloni shumën e plotë të dëmeve. Kjo alternativë mbrojtjeje do të renditet si një zë i veçantë në faturën tuaj.

Përshtatjet mund të kryhen në momentin e tërheqjes së automjetit. Paketa Mileage (kilometrazhi) dhe alternativa e Drejtuesit shtesë mund të përditësohen gjatë një abonimi aktiv. Megjithatë, ndryshimet në paketën e mbrojtjes nuk mund të kryhen më pas tërheqjes së automjetit.

Ju do të zgjidhni datën e tërheqjes gjatë rezervimit. Pas përfundimit të rezervimit, ju do të merrni një email konfirmimi me përmbledhjen e rezervimit. Ju mund t’i shihni detajet edhe në llogarinë tuaj të përdoruesit.

Ju mund ta merrni automjetin me abonim nga pika e shërbimit të SIXT në orarin e dakorduar ose të kërkoni që t’jua dorëzojnë kundrejt një tarife shtesë. Nëse nuk jeni në gjendje të shkoni në orar, ju lutemi të njoftoni pikën përkatëse të SIXT për të caktuar një orar tjetër.

Automjeti me abonim mund t’ju dorëzohet në adresë kundrejt një tarife shtesë. Ky opsion do t’ju shfaqet gjatë procesit të rezervimit.

Automjetet tona me abonim janë gjithnjë në përputhje me standardet më të larta. Ato janë më të reja sesa 12 muaj dhe rinovohen në mënyrë profesionale përpara çdo dorëzimi.

Fatkeqësisht, nuk është e mundur që automjeti me abonim të tërhiqet nga dikush tjetër në emrin tuaj. Si drejtuesi parësor, po ashtu edhe drejtuesit shtesë, duhet të jenë të pranishëm gjatë tërheqjes së automjetit dhe të paraqesin dokumentet e tyre origjinale.

Në momentin e tërheqjes së automjetit tuaj, duhet të paraqitni kartën tuaj origjinale të identitetit ose pasaportën dhe një leje drejtimi të vlefshme. Edhe nëse pagesën e keni kryer në internet, metoda e pagesës e përdorur për rezervimin, duke përfshirë kodin PIN, duhet të paraqitet për verifikim dhe për mbajtjen e depozitës. Në informacionin e qiramarrjes së SIXT mund të gjeni informacione të mëtejshme. Edhe drejtuesit shtesë duhet të paraqesin dokumentet e tyre origjinale të identifikimit.

Po, në momentin e tërheqjes së automjetit kërkohet një depozitë sigurie, që do ta autorizojmë në kartën tuaj të kreditit për 30 ditët e para. Shuma do të varet nga kategoria e mjetit. Ju lutemi, referojuni informacionit të qiramarrjes së SIXT për informacione të mëtejshme.

Me rezervimin e garancisë së automjetit zëvendësues, ju do të merrni një automjet zëvendësues pa pagesë edhe në rast se aksidentin e keni shkaktuar ju. Ju do të mund të vijoni udhëtimet pa qenë e nevojshme të prisni për kryerjen e riparimeve.

Ju mund ta pezulloni abonimin tuaj nëpërmjet asistentit personal të abonimit për automjetin SUBSCRIBE. Ju lutemi ta njoftoni asistentin për periudhën e dëshiruar. Pasi automjeti me abonim të kthehet, abonimi do të pezullohet automatikisht në fund të periudhës së abonimit aktual. Për ta riaktivizuar abonimin tuaj, mjafton ta tërhiqni automjetin me abonim në datën e përcaktuar.

Data e saktë e rinovimit automatik të radhës për abonimin tuaj mund të gjendet në email-in e konfirmimit të rinovimit të abonimit, që do ta merrni çdo muaj.

Edhe familjarët (duke përfshirë bashkëshortët) duhet të regjistrohen si drejtues shtesë pa përjashtim.

Mjafton ta ktheni automjetin me abonim. Kthimi i automjetit e anulon automatikisht abonimin; nuk nevojitet njoftim shtesë me shkrim për anulimin. Abonimi për automjetin përfundon në fund të periudhës 30-ditore aktuale ose, nëse është zgjedhur një periudhë minimale prej 6 ose 9 muajsh, atëherë përfundon në fund të këtij afati.

Ju duhet ta ktheni automjetin tuaj në një vendndodhje xxx që ju përshtatet ose në pikën nga tërhoqët automjetin. Vendndodhja përcaktohet në të dhënat e kontratës.

Automjeti do të inspektohet për dëme ose shenja konsumimi dhe do të krahasohet me raportin e dorëzimit. Ju rekomandojmë që të arrini në vendndodhjen e SIXT gjatë orarit të punës dhe të llogaritni të paktën një orë kohë për kontrollet. Nëse e ktheni automjetin jashtë orarit të punës dhe e lini çelësin në kutinë e çelësit, automjeti do të inspektohet pa praninë tuaj. Më pas, do të hartohet një raport kthimi dhe gjendja e automjetit do të dokumentohet me fotografi. Shenjat e zakonshme të konsumimit nuk do të pranohen. Për çdo pretendim për dëmtim, ju do të jeni përgjegjës për kostot deri në shumën e zbritshme të zgjedhur për abonimin tuaj.