PPSH RRETH TOUCH

Map Updater (Përditësuesi i hartës) në InControl Touch është një program për kompjuterat PC dhe Mac. Ai përdoret për aktivizimin, shkarkimin dhe instalimin e hartave dhe përmbajtjeve shoqëruese (me dhe pa pagesë) për sistemin e Navigacionit në InControl Touch. Gjithashtu, ai ofron një sërë veçorish për menaxhimin e efektshëm të përmbajtjes së kartës SD të InControl Touch.

Aktivizimi është procesi i shkarkimit dhe instalimit të një license në kartën SD të hartave të InControl Touch për të mundësuar përdorimin e navigacionit në një automjet të caktuar me sistemin e navigacionit të InControl Touch.

Karta SD e hartave të InControl Touch duhet të jetë e vendosur në hapësirën e Kartës SD të automjetit. Ju lutemi, lexoni doracakun e automjetit për vendndodhjen e saktë të hapësirës.

Map Updater njeh vetëm një kartë SD të projektuar për t’u përdorur me sistemin e navigacionit të InControl Touch. Kartat e tjera SD nuk do të njihen.
Nëse Karta SD është e dëmtuar ose të dhënat janë ndryshuar në mënyra të tjera, jo duke përdorur Map Updater, edhe kjo mund të shkaktojë mosnjohjen e Kartës SD.
Mund të kontrolloni nëse hapësira e Kartës SD në kompjuterin tuaj PC ose Mac funksionon siç duhet.

Map Updater i InControl Touch njeh automatikisht alternativat e mundshme për kartën SD të njohur dhe ofron vetëm ato të disponueshme për përzgjedhje më të lehtë dhe të shpejtë. Ai çaktivizon alternativat që nuk mund të përdoren dhe/ose që janë të padisponueshme.

Përdoreni Kartën SD të hartave të InControl Touch me Map Updater për të parë nëse ka përditësime të disponueshme. Map Updater njeh automatikisht përditësimet e duhura dhe të disponueshme për Kartën SD të njohur dhe i shfaq për t’i shkarkuar dhe instaluar.

Rekomandohet që Karta SD e hartave të InControl Touch të përdoret vetëm për materialet e navigacionit të InControl Touch. Kjo kartë nuk duhet të përdoret për ruajtjen e të dhënave personale. Të gjitha ndryshimet e përmbajtjes së Kartës SD duhet të kryhen vetëm nëpërmjet Map Updater.

Të dhënat e regjistrimit mund të shihen te Settings (Cilësimet) / My Account (Llogaria ime) / My Details (Detajet e mia) / seksioni Account information (Informacioni i llogarisë).

Nëse Karta SD e hartave të InControl Touch nuk njihet, ju lutemi të siguroheni se Karta SD është vendosur siç duhet në hapësirën përkatëse në automjet. Nëse karta është vendosur siç duhet, ju lutemi, fikeni motorinon, mbyllini të gjitha dyert e automjetit dhe kyçeni automjetin për 2 minuta përpara se ta ndizni sërish.
Nëse karta SD vijon të mos njihet, ju lutemi, kontaktoni Shitësin tuaj të autorizuar për ndihmë të mëtejshme.

Ju lutemi, kontaktoni Shitësin tuaj të autorizuar për ndihmë të mëtejshme.