1. AKTIVIZONI LLOGARINË TUAJ INCONTROL
Për të aktivizuar shërbimet e lidhura dhe abonimet Land Rover, fillimisht do t’ju duhet të aktivizoni llogarinë tuaj InControl. Nëse keni blerë një Land Rover të ri, ju rekomandojmë që të kontaktoni Shitësin tuaj të autorizuar për t’ju ndihmuar me procesin e aktivizimit.
KENI BLERË NJË LAND ROVER TË PËRDORUR TË AUTORIZUAR?
Ndiqni procesin e thjeshtë të vetëregjistrimit si më poshtë.
Vini re se, nëse butoni Optimised Land Rover Assistance (Asistenca e Optimizuar nga Land Rover) (ikona e çelësit mekanik) në konsolën e sipërme është ndezur, duhet të kontaktoni Shitësin tuaj të autorizuar për asistencë.
REGJISTRIMI NË INCONTROL
Regjistrimi nga shitësi i autorizuar
Pasi Shitësi juaj i autorizuar të fillojë procesin për regjistrimin tuaj në InControl, ju do të merrni një lidhje në email për të përfunduar aktivizimin tuaj.
Nëse nuk keni marrë email aktivizimi nga Shitësi juaj i autorizuar, ju lutemi të kontrolloni dosjen Spam.
Vetëregjistrimi
Nëse keni blerë një Land Rover të përdorur, ose nëse Shitësi juaj i autorizuar nuk ju ka regjistruar një llogari, ju lutemi të ndiqni lidhjen e mëposhtme.
Përpara se të filloni, sigurohuni që automjeti juaj Land Rover të jetë i parkuar në një zonë me mbulim rrjeti të mirë dhe që të keni gati numrin e regjistrimit dhe VIN.
KONTROLLONI NËSE AKTIVIZIMI ËSHTË KRYER
Pasi ta keni kryer me sukses aktivizimin e InControl, shërbimet tuaja aktive do të konfirmohen nëpërmjet email-it.
Në ndezjen e radhës së automjetit tuaj, dritat e butonave SOS Emergency call (Thirrja SOS e emergjencës) dhe Optimised Land Rover Assistance (Asistenca e Optimizuar nga Land Rover), duhet të jenë të ndezura.
2. AKTIVIZONI LIDHJEN TUAJ
INSTALIMI I KARTËS SIM
LIDHUNI ME INTERNETIN CELULAR
Aktivizoni internetin celular - Pasi të jetë instaluar, shkoni tek ikona e cilësimeve në cilëndo faqe > All settings (Të gjitha cilësimet) > Features (Veçoritë) > Connectivity (Lidhja) > Mobile Data ON (Interneti celular AKTIV).
Lidhuni - Ekrani juaj me prekje do të shfaqë një ikonë 4G ose Wi-Fi. Ju lutemi, vini re se mund të nevojiten deri në dy minuta që ekrani juaj të shfaqë Reading SIM (Duke lexuar kartën SIM) në Mobile Data (Interneti celular).
3. AKTIVIZONI SHËRBIMET TUAJA TË NAVIGACIONIT
Kur ta përdorni navigacionin për herë të parë, do t’ju kërkohet të krijoni profilin dhe llogarinë tuaj. Në këtë mënyrë, ju do të mund të ruani destinacionet tuaja të preferuara dhe itineraret e mëparshme, si dhe të përfitoni nga veçoritë shtesë të Connected Navigation.
KRIJONI NJË PROFIL
KRIJONI NJË LLOGARI
Pas krijimit të profilit tuaj, ju mund të krijoni një llogari duke shtypur Sign in (Hyr) në faqen kryesore të navigacionit. Do t’ju kërkohet të pranoni Navigation Terms and Conditions (Termat dhe kushtet e navigacionit), të cilat mund t’i aksesoni duke vendosur URL-në përkatëse në shfletuesin tuaj.
Llogaria e navigacionit ju mundëson të shkarkoni përditësimet më të reja të hartave dhe të ndani vendet e interesit dhe ETA-n tuaj me miqtë dhe familjarët. Gjithashtu, do të mund t’i dërgoni destinacionet direkt tek automjeti juaj nëpërmjet aplikacionit ose faqes së internetit InControl Route Planner.
4. SINKRONIZONI APLIKACIONET DHE PAJISJET TUAJA
LIDHUNI ME TELEFONIN TUAJ ME BLUETOOTH
Teknologjia Bluetooth ju lejon të lidhni në distancë një telefon të përputhshëm dhe aplikacionet përkatëse me automjetin tuaj Land Rover. Më pas, pajisja mund të kontrollohet nëpërmjet aktivizimit zanor, timonit ose ekranit me prekje.
Për informacione të hollësishme rreth mënyrës së lidhjes së bluetooth të telefonit tuaj, vizitoni qendrën tonë të posaçme Connectivity.
LIDHJA ME APPLE CARPLAY OSE ANDROID AUTO
Nëpërmjet Paketës Smartphone gjithëpërfshirëse të automjetit tuaj, ju mund t’i përdorni aplikacionet tuaja me lehtësi dhe në mënyrë të sigurt nëpërmjet Apple CarPlayTM 1 dhe Android AutoTM 2.
Mjafton ta lidhni pajisjen tuaj me ekranin me prekje duke përdorur Bluetooth ose një kabllo USB të certifikuar.
Për Apple CarPlayTM 1, sigurohuni që të keni versionin më të ri të iOS të instaluar dhe Siri ® të aktivizuar në iPhone tuaj. Për Android AutoTM 2, sigurohuni që të keni aplikacionin më të ri Android Auto dhe asistentin zanor të Google të aktivizuar në pajisjen tuaj Google.
LIDHUNI ME APLIKACIONET LIVE TË INTEGRUARA NË AUTOMJETIN TUAJ
MONITOROJENI AUTOMJETIN TUAJ NË DISTANCË
Monitoroni sigurinë, gjendjen dhe statusin e automjetit tuaj Land Rover nga telefoni juaj inteligjent me aplikacionin Remote. Nëse jeni regjistruar për Secure Tracker, do t’ju nevojitet aplikacioni Remote për të marrë njoftime për vjedhje.
Ju lutemi, vini re se veçoritë4 e aplikacionit Remote mund të përdoren vetëm pas aktivizimit të llogarisë suaj InControl nëpërmjet faqes së internetit My Land Rover InControl.
KENI PYETJE RRETH TOUCH PRO TUAJ?
PPSH-të tona mund ta kenë përgjigjen tashmë.
PËRFITONI MAKSIMALISHT NGA SISTEMI I INFORMACIONIT DHE ARGËTIMIT NË LAND ROVER TUAJ
MENAXHONI ABONIMET TUAJA
FAQJA E INTERNETIT INCONTROL ROUTE PLANNER
APLIKACIONI INCONTROL ROUTE PLANNER
Funksionet, opsionet e InControl-it, shërbimet e palëve të treta dhe disponueshmëria e tyre, mbeten në varësi të tregut - kontaktoni shitësin tuaj të autorizuar të Land Rover për disponueshmërinë e tregut vendas dhe kushtet e plota. Disa veçori vijnë me abonim, që do të kërkojë rinovim të mëtejshëm pas afatit fillestar të këshilluar nga Shitësi juaj i autorizuar. Lidhja e rrjetit celular nuk mund të garantohet në të gjitha vendndodhjet. Informacioni dhe imazhet e shfaqura në lidhje me teknologjinë InControl, duke përfshirë ekranet ose sekuencat, u nënshtrohen përditësimeve të softuerit, kontrollit të versionit dhe ndryshimeve të tjera të sistemit/vizuale në varësi të opsioneve të zgjedhura.
Veçoritë opsionale dhe disponueshmëria e tyre mund të ndryshojnë nga specifikimi i automjetit (modeli dhe grupi i fuqisë), ose kërkojnë instalimin e veçorive të tjera për t'u përshtatur. Ju lutemi, kontaktoni shitësin tuaj lokal të autorizuar për më shumë detaje ose konfiguroni automjetin tuaj në internet.
Veçoritë në makinë duhet të përdoren nga drejtuesit vetëm kur është e sigurt për ta bërë këtë. Drejtuesit duhet të sigurohen që të kenë kontroll të plotë mbi mjetin gjatë gjithë kohës.
Vetëm telefonat inteligjentë të përputhshëm.
1Apple CarPlayTM është një markë tregtare e Apple Inc. Mund të zbatohen kushtet e Apple Inc për përdoruesin fundor. Makina juaj është përgatitur për Apple CarPlay. Shërbimet e ofruara nga Apple CarPlay varen nga disponueshmëria e këtij opsioni në vendin tuaj, ju lutemi shikoni https://www.apple.com/uk/ios/feature-availability/#apple-carplay për informacione të mëtejshme
2Android Auto është një markë tregtare e Google LLC. Makina juaj është përgatitur për Android Auto. Shërbimet e ofruara nga Android Auto varen nga disponueshmëria e këtij opsioni në vendin tuaj, ju lutemi shikoni https://www.android.com/auto/ për informacione të mëtejshme.
3Disa nga aplikacionet live nuk janë të disponueshme për të gjitha automjetet, ndaj flisni me Shitësin tuaj të autorizuar.
4I disponueshëm për t’u shkarkuar nga Apple App Store dhe Google Play për shumicën e telefonave inteligjentë Android dhe Apple iOS. Aplikacioni Land Rover Remote kërkon lidhje me internetin, një telefon inteligjent të përputhshëm, llogari InControl dhe abonim për Remote. Për të vijuar me përdorimin e veçorive përkatëse pas periudhës së abonimit fillestar, do t’ju duhet ta rinovoni abonimin dhe të paguani tarifat e zbatueshme për rinovimin.