Mijëra persona dhe mijëra pjesë bëhen bashkë për të krijuar çdo automjet Defender. Deniz Yetkin siguron mbarëvajtjen e procesit.


Deniz siguron se çdo zhvillim i ri në linjën e automjeteve Defender do të dorëzohet në kohën e duhur dhe me cilësinë dhe koston e duhur. JLR i referohet pozicionit të saj si Përgjegjëse e Zinxhirit të Proceseve për Programet e Automjeteve.


Kjo është një punë rigoroze, ku stafi ynë në Mbretërinë e Bashkuar, Sllovaki dhe Hungari punon së bashku për të përmbushur objektivat e strategjisë, dizajnit, zhvillimit dhe nxjerrjes në treg të automjeteve. Jo vetëm kaq: Deniz mbikëqyr edhe pesë ekipe të fokusuara te siguria, sedilet, kabina, dyert/xhamat dhe hapësira e drejtuesit/klima e automjeteve Defender.

Pamje anësore nga lart e Defender
Pamje anësore e sediles së drejtuesit të mjetit në Defender

Deniz punon në çdo hap të modelit ikonik 4x4 të riprojektuar. “Duke filluar me fazën fillestare të dizajnit, unë bashkëpunoj nga afër me ekipin inxhinierik për t’u siguruar se produkti do të jetë novator, por edhe në përputhje me standardet më të larta të cilësisë dhe besueshmërisë.


“Unë kontribuoj në proceset inxhinierike më të hollësishme, në mënyrë që çdo aspekt i dizajnit të shqyrtohet me rigorozitet. Kjo përfshin mbikëqyrjen e fazave të prodhimit testues, trajtimin e sfidave gjatë procesit dhe rafinimin e dizajnit për të përmbushur standardet e rrepta të përcaktuara për një automjet të kalibrit të Defender”.


Më pas, vijohet me prodhimin testues dhe, së fundi, prodhimin e serisë së automjeteve. Megjithatë, puna e Deniz nuk përfundon këtu.


“Roli im përfshin edhe menaxhimin e buxheteve, veglave, kostove të dizajnit dhe zhvillimit, si dhe çmimin për njësi për pjesët, me qëllim garantimin e suksesit të përgjithshëm dhe qëndrueshmërisë së çdo projekti Defender”.


Përpara se të punonte për Defender, ajo ishte Menaxhere Projekti për Cilësinë e Furnizuesve, më pas Menaxhere Cilësie në Inxhinierinë Elektrike, ku menaxhonte një ekip global të larmishëm që punonte për të garantuar cilësinë e softuerëve, sistemit të informacionit dhe argëtimit, sistemeve të avancuara të asistencës për drejtuesin dhe sistemit elektrik të shpërndarjes.


Përvoja dhjetëvjeçare e Deniz në JLR i kanë zhvilluar një dashuri të thellë për Defender. “Ndërthurja unike e luksit dhe besueshmërisë përshtatet me preferencat e mia. Krijimi i një automjeti që kombinon aventurën dhe besueshmërinë nuk është thjesht një punë, por edhe një burim kënaqësie të konsiderueshme”.

Defender duke udhëtuar në shkretëtirë

Sikurse shumë nga koleget e saj, ajo refuzon idenë se një makinë krijohet nga burrat për burrat.


“Ndërthurja e aventurës dhe luksit e Defender përshtatet me preferencat e mia personale, pasi tejkalon normat gjinore tradicionale. 


“Roli im në formësimin e procesit të zhvillimit siguron se Defender është pasqyrim i preferencave të një audience të larmishme, ku përfshihen edhe gratë, që dëshirojnë një automjet të rafinuar, të përshtatshëm edhe për aventurë”.


Një nga shembujt që Deniz ndan është veçoria e Lartësisë automatike të aksesit të automjetit, e projektuar për të lehtësuar hyrjen dhe daljen nga Defender. “Kjo është veçoria ime më e parapëlqyer si grua.


“Unë punoj për të krijuar produkte që i përshtaten një game të gjerë individësh dhe kjo konsideratë e mirëmenduar për nevojat e ndryshme është shembull i angazhimit të ekipit të Defender ndaj gjithëpërfshirjes”.

HISTORI TË TJERA TË DEFENDER

në mbështetje të grave me vetëbesim

GRA QË PËRQAFOJNË TË PAMUNDURËN

Vlerësimi i grave të guximshme që përqafojnë të pamundurën me Defender.
Foto profili e Emma Kowalczuk

HARMONI INXHINIERIE

Si Përgjegjëse e Sektorit të Elektromagnetikës, Emma drejton një ekip të përbërë prej inxhinierëve ekspertë, që përdorin simulime kompjuterike për të garantuar funksionimin e harmonizuar të teknologjisë pa tel.
Foto profili e Ceri Bateman

FORMËSIMI I SË ARDHMES

Ceri bën të mundur lidhjen e pamjes karakteristike të Defender me performancën dhe durueshmërinë e këtij modeli. Ndikimi i saj te modeli Defender vihet re te fenerët e përparmë me dizajnin e tyre elegant.

EKSPLORONI MODELET DEFENDER

Automjet i parkuar në shkretëtirë

DEFENDER 130

Hapësira më e mirë për deri në tetë pasagjerë me rreshtin e tretë të sedileve.
Pamje anësore e automjetit të parkuar në gjelbërim

DEFENDER 110

Hapësirë e përmirësuar, me shtatë sedile dhe me opsion për një rresht të tretë sedilesh.
Pamje anësore e automjetit të parkuar

DEFENDER 90

Zgjidhni ndërmjet pesë ose gjashtë sedileve.
Pamje anësore e Defender

DEFENDER HARDTOP

I disponueshëm me pesë, gjashtë ose shtatë sedile dhe dy dizajne karrocerie.