PPSH PËR PROTECT

Protect përfshin veçoritë e lidhura të mëposhtme: SOS Emergency Call (Thirrja SOS e emergjencës): Nëse airbag-et aktivizohen apo nëse zbulohet se automjeti është përmbysur, atëherë do të kryhet një thirrje automatike emergjence. Në rast se këto incidente ndodhin, automjeti do të kryejë një thirrje automatike drejt Qendrës së Reagimit në Rast Emergjencash. Kur një nga personat në automjet shtyp butonin SOS Emergency Call (Thirrja SOS e emergjencës) në krahun e djathtë të konsolës së sipërme, atëherë kryhet një Thirrje SOS Emergjence manuale. Optimised Land Rover Assistance (Asistenca e Optimizuar nga Land Rover): Në rastin e rrallë të një defekti, shtypja e butonit Optimised Land Rover Assistance (Asistenca e Optimizuar nga Land Rover) në automjet do të përdorë pozicionimin satelitor për të lokalizuar automatikisht automjetin tuaj dhe për të dërguar informacione mbi gjendjen e automjetit me qëllim reduktimin e vonesave. Thirrja për Asistencë të Optimizuar nga Land Rover mund të kryhet edhe nëpërmjet aplikacionit telefonik Remote ose duke telefonuar Asistencën nga Land Rover nga një linjë fikse. (Vetëm thirrjet e kryera duke shtypur butonin Optimised Land Rover Assistance (Asistenca e Optimizuar nga Land Rover) do të dërgojë vendndodhjen e automjetit sipas GPS-së). Aplikacioni telefonik Remote: Ju mundëson të përgatiteni për udhëtimin duke kontrolluar nivelet e karburantit dhe distancën e mundshme pa qenë pranë automjetit. Ju mund ta gjeni automjetin tuaj në një parking të ngarkuar dhe mund të kontrolloni për t’u siguruar se e keni kyçur automjetin tuaj dhe i keni mbyllur dritaret. Gjithashtu, mund të shkarkoni itineraret tuaja për t’ju lehtësuar kompensimin e shpenzimeve të kilometrazhit të përshkuar për arsye pune.

Në rastin e një emergjence ku ju nevojiten shërbime emergjence, shtypni një herë kapakun e butonit të vendosur në anën e djathtë të konsolës së sipërme. Shtypeni butonin për 2 sekonda për të kryer një thirrje emergjence (pasi të shtypet, butoni do të pulsojë në ngjyrë portokalli). Thirrja do të jetë lidhur kur të dëgjoni një anëtar të ekipit të reagimit në rast emergjencash. Pasi thirrja të jetë kryer, butoni do të rishfaqë ngjyrën e kuqe. Mbylleni kapakun e butonit pas përdorimit. SHËNIM: Nëse zbulohet se ka ndodhur përplasje apo nëse airbag-et e automjetit aktivizohen, atëherë Thirrja SOS e emergjencës do të kryhet automatikisht.

Thirrja SOS e Emergjencës automatike kryhet nëse airbag-et aktivizohen apo nëse zbulohet se automjeti është përplasur. Në rast se këto incidente ndodhin, automjeti do të kryejë një thirrje automatike. Thirrja SOS e Emergjencës manuale kryhet kur një nga personat në automjet shtyp butonin SOS Emergency Call (Thirrja SOS e emergjencës) në konsolën e sipërme.

Jo. Thirrja SOS e emergjencës përdor një sistem të veçantë me një kartë SIM të posaçme, të vendosur në automjet.

Shërbimi i Thirrjes SOS të Emergjencës do të jetë i disponueshëm në vendin ku keni kryer abonimin për shërbimet InControl.

Automjeti do të bëjë disa përpjekje për të kryer një thirrje telefonike, nëse nuk ka sinjal telefonik, thirrja nuk mund të kryhet dhe butoni do të shfaqë ngjyrë të kuqe në vend të asaj portokalli.

Nëse e shtypni pa dashje butonin SOS Emergency Call (Thirrja SOS e emergjencës), do të kryhet një thirrje. Pasi thirrja të jetë lidhur me ekipin e reagimit ndaj emergjencave, ju duhet ta bëni me dije agjentin se thirrja e emergjencës u shtyp pa dashje, në të kundërt mund të gjobiteni ose penalizoheni në vendin tuaj.

Në rastin e një defekti, shtypni një herë kapakun e butonit të vendosur në anën e majtë të konsolës së sipërme. Shtypeni butonin për 2 sekonda për të kryer një thirrje pa pagesë drejt Asistencës nga Land Rover (pasi të shtypet, butoni do të pulsojë në ngjyrë portokalli). Thirrja do të jetë lidhur kur të dëgjoni një anëtar të ekipit të Asistencës nga Land Rover. Vendndodhja e automjetit tuaj do t’i dërgohet automatikisht ekipit të Asistencës nga Land Rover, që do të përpiqet t’i japë zgjidhje thirrjes suaj dhe, nëse nevojitet, do t’ju dërgojë asistencë rrugore në vendndodhjen e automjetit tuaj. Mbylleni kapakun e butonit pas përdorimit.

Jo. Thirrja për Asistencë të Optimizuar nga Land Rover përdor një sistem të veçantë me një kartë SIM të posaçme, të vendosur në automjet.

Ju mund ta përdorni shërbimin për Thirrjen e Asistencës së Optimizuar nga Land Rover në të gjitha vendet që mbulohen nga politika e Asistencës nga Land Rover. Nëse e përdorni Asistencën tuaj nga Land Rover gjatë udhëtimit në një vend tjetër të mbuluar nga politika juaj, ju do të lidheni me shërbimet e asistencës rrugore në vendin tuaj të origjinës, ku më pas do t’ju mundësohet asistencë rrugore në vendndodhjen tuaj ekzakte.

Nëse e shtypni pa dashje butonin Optimised Land Rover Assistance (Asistenca e Optimizuar nga Land Rover), do të kryhet një thirrje. Pasi thirrja të jetë lidhur, ju duhet ta bëni me dije agjentin se butoni Optimised Land Rover Assistance (Asistenca e Optimizuar nga Land Rover) u shtyp pa dashje, në të kundërt mund t’ju ngarkohen detyrime financiare të panevojshme.

Veçoria Optimised Land Rover Assistance (Asistenca e Optimizuar nga Land Rover) në shërbimet tuaja Protect nuk ju ofron mbulim në rast defekti në vetvete, por përmirëson shërbimin e ofruar nga abonimi juaj për Optimised Land Rover Assistance (Asistenca e Optimizuar nga Land Rover). Kur abonimi juaj për Optimised Land Rover Assistance (Asistenca e Optimizuar nga Land Rover) të ketë përfunduar, butoni Optimised Land Rover Assistance Call (Thirrja për Asistencë të Optimizuar nga Land Rover) në automjetin tuaj do t’ju lidhë me qendrën e thirrjeve Optimised Land Rover Assistance, por ju mund të tarifoheni për asistencën e ofruar.

Journeys ju mundëson të regjistroni, ruani dhe eksportoni informacionin e rrugëtimit. Rrugëtimi regjistrohet pasi automjeti ka udhëtuar mbi 0.6 milje (1km) dhe motori është fikur. Itinerari mund të shihet në hartë, si dhe mund të merren të dhëna për distancën, eficiencën, kohën e shpenzuar dhe shpejtësinë mesatare. Informacioni i rrugëtimit mund të shihet, të fshihet ose eksportohet në një dokument Excel për qëllime shpenzimesh. Funksionaliteti Journeys mund të aktivizohet ose çaktivizohet në aplikacionin telefonik Remote dhe në faqen e internetit My Land Rover InControl. Kur krijoni llogarinë tuaj InControl, do t’ju kërkohet të zgjidhni preferencat e rrugëtimit tuaj. Ju mund ta çaktivizoni Journeys tërësisht. SHËNIM: Nëse vendosni ta aktivizoni Journeys, atëherë do të mund t’i fshini disa ose të gjitha rrugëtimet nëpërmjet aplikacionit telefonik Remote ose faqes së internetit My Land Rover InControl.

Funksionaliteti Journeys mund të aktivizohet ose çaktivizohet në aplikacionin telefonik Remote dhe në faqen e internetit My Land Rover InControl. Për të parë ose ndryshuar statusin e funksionalitetit, shkoni te Vehicle settings (Cilësimet e automjetit) në aplikacionin telefonik Remote ose në faqen e internetit My Land Rover InControl. Zgjidhni on (aktiv) nëse dëshironi të aktivizoni Itineraret ose off (jo aktiv) nëse dëshironi ta çaktivizoni. Më pas, do t’ju kërkohet të vendosni kodin PIN dhe të ruani ndryshimin.

Automjetet nuk mund të gjurmohen aktivisht për sa kohë nuk është kryer apo aktivizuar SOS Emergency Call (Thirrja SOS e emergjencës) (në rast se funksionon në vendin tuaj) ose Optimised Land Rover Assistance Call (Thirrja për Asistencë të Optimizuar nga Land Rover), ku vendndodhja e automjetit do t’u dërgohet automatikisht shërbimeve të emergjencës dhe atyre të defektit.

Ju mund ta shkarkoni aplikacionin telefonik Remote duke kërkuar për Land Rover InControl Remote në Google Play ose në Apple App Store. Gjithashtu, ekziston dhe një Modalitet Demo, që ju mundëson të eksploroni funksionalitetin kryesor të aplikacionit pa qenë e nevojshme që të keni një automjet.

Aplikacioni telefonik InControl Remote funksionon në pajisjet Android me version Android v4.1 e më lart (për shembull, Samsung Galaxy S4 dhe HTC ONE M8) dhe pajisjet Apple me Apple iOS versioni 6.0 ose më lart (iPhone 4S e më pas).

Pasi të jeni abonuar, ju do të tarifoheni vetëm për përdorimin e njësive të internetit dhe thirrjet e kryera nga aplikacioni telefonik Remote në përputhje me kontratën tuaj të shërbimit celular.

Po. Ju mund ta shkarkoni aplikacionin në më shumë sesa një telefon inteligjent. Megjithatë, emri i përdoruesit dhe fjalëkalimi i llogarisë për InControl Remote do të jenë të njëjtë për të dyja pajisjet.

Aplikacioni telefonik Remote ju mundëson të aksesoni informacione të rëndësishme rreth automjetit, si niveli i karburantit dhe njoftime të caktuara të panelit kur aktivizohen (p.sh., presioni i gomave dhe nivelet e lëngjeve). Nëse keni një abonim për Remote Premium, atëherë do të keni edhe mundësi të ndërveproni me automjetin tuaj në distancë.